საუფლო დღე - უქმე დღე, რელიგიური დღესასწაული.
გუთანი - მიწის სახნავი იარაღი.
დაბადაგებული ცაცხვები, გადათაფლული აკაციები - აყვავებული ცაცხვები და აკაციები, რომელთაც ბადაგივით და თაფლივით ტკბილი სურნელი ასდით.
ბადაგი - ყურძნის ტკბილი წვენი, რომელსაც შესანახად ადუღებენ ხოლმე (ბადაგისგან ამზადებენ თათარას).
ფშატი - დაბალი ხე, რომელსაც აქვს მოვერცხლისფრო ფოთლები და ყვითელი, სურნელოვანი ყვავილები.
ქედი - მუშა საქონლის (ხარის, კამეჩის...) კისერი, უღლის დასადები ადგილი. ზოგჯერ შეიძლება, ადამიანის კისერსაც ნიშნავდეს.
ქედწახრილი - თავჩაღუნული, წელში მოხრილი.
კარაპანი - მიწური სახლის წინ გამართული გადახურული საჩრდილობელი.
ყორე - უკიროდ და უტალახოდ ნაგები ქვის ღობე ან ქვების გროვა.
გუდა -ოთხში ამოღებული ცხვრის, თხის ან ხბოს ტყავისგან დამზადებული სათავსი რაიმეს შესანახად ან გადასაზიდად (მაგ., ყველის, ერბოსი).
ოთხში ამოღება - ცხოველის გატყავების ერთ-ერთი მეთოდი.
სარჩო - საზრდო, საკვები, რითაც თავი უნდა ირჩინონ.
სალაყბო - თავშეყრის ადგილი, სადაც დროის გატარების მიზნით ლაყბობენ.
ლაყბობა - უაზრო, უშინაარსო ლაპარაკი.
ყმა - გლეხი, რომელიც ბატონთან მუშაობდა; მსახური, ხელქვეითი.
ძველადი მოსავალი - შემოდგომაზე მოწეული მოსავალი, რომელიც გაზაფხულამდე მიაღწევს.~
ხორაგი - სურსათ-სანოვაგე, საჭმელი.
ჭური - ქვევრი.
ზაქი - კამეჩის შვილი.
კამეჩი - დიდი, შავი ცხოველი მოხრილი რქებით, აბამენ უღელში, არის ზანტი, მოუქნელი, უყვარს ტალახში წოლა.
ხამი ტილო - გახამებული ტილო.
გახამება - თეთრეულის გავლება სახამებლიან წყალში სიმტკიცის მისაცემად.
მერდინი - აბრეშუმის თხელი ქსოვილი.
ფარდაგი - მატყლის ძაფის უხაო ნაქსოვი, გამოიყენება ძირს დასაფენად ან კედელზე გასაკრავად.
ჯეჯიმი - ფარდაგის მსგავსად ნაქსოვი ზოლიანი ქსოვილი.
გელაზი - წისქვილის დიდი ქვა, დოლაბი.
აღზევანი - ადგილი, საიდანაც მარილი ჩამოჰქონდათ.
თავმობმული ჯამი - სავსე ჯამი.
მოჩემარი - დამჩემებელი, მოდავე.
No comments:
Post a Comment